شاهد| الفنان محمد علي: تظاهرتُ ضد الإخوان فلم يعتقلني أحد ولم أُتهم بالخيانة

هاجم الفنان محمد علي، زعيم الانقلاب عبد الفتاح السيسي وذيوله الإعلامية وذبابه الإلكتروني، وتوعّدهم بحساب عسير من جانب الشعب المصري على ما قاموا به من نهب ثروات الشعب وتخريب مقدراته. وعاير السيسي بقمعه واستبداده، قائلا: “لقد تظاهرت ضد الإخوان والرئيس محمد مرسي فلم يعتقلني أحد ولم يتهمني أحد بالخيانة”.

ونشر صاحب شركة “أملاك” للمقاولات مقطع فيديو جديدا، مساء الأربعاء، يردّ فيه على اتهامه من قبل وسائل إعلام موالية للنظام بـ”العمالة” و”الأخونة”؛ ردًّا على كشفه العديد من وقائع الفساد داخل المؤسسة العسكرية، وإهدار المليارات من الجنيهات على تشييد فنادق وقصور رئاسية، ومنها فندق “ترمويف” بضاحية التجمع الخامس، واستراحة لرئيس الانقلاب عبد الفتاح السيسي في منطقة المعمورة بالإسكندرية.

وقال علي: “أنا نزّلت الفيديو الأول عشان الناس المحترمة اللي كانت بتشتغل معايا، وبتشتغل مع القوات المسلحة… إحنا عندنا خلاف في الفلوس، وكنت بوضح وجهة نظري… هل الفلوس دي عندي، وأخذتها وهربت، ولا موجودة عند الجيش… واستشهدت بيني وبين المؤسسة العسكرية بالشعب المصري؛ لأن ما عنديش الهاكر أو الإمكانيات اللي عندهم عشان تهددوني، بعد ما عملتوا بلوك للفيديو بتاعي”.

وأضاف: “رقم واحد أنا مش إخواني، ده موضوع وهمي عشان تقولوه، لأن والدي كان بطل مصر في كمال الأجسام، واشترك في بطولات عالمية في نهاية الستينيات وفترة السبعينيات، لمّا كان في أبطال رياضة… وكان من ضمن النخبة في المجال، وأنا طلعت زي والدي بحب الرياضة، وبحب البطولات”، موجهًا حديثه إلى السيسي “شايفك عامل فيها رجل رياضي ومقضيها عجل كتير، بس الحقيقة أنت مهيس ومليس”، على حد تعبيره.

وواصل علي: “اصبروا لأن الحساب عسير… أنا بشرب سجائر، ومش عاوز أكمل الباقي، شوف لك حجة أحسن من موضوع الإخوان… ماعنديش الأجهزة بتاعتك اللي بتراقب، إحنا نتراقب، لكن أنت لأ… خالد يوسف يتصور، لكن أنت رجل شريف… فبلاش الحركات الدنيئة الواطية زي شيلوا الفيديو بتاعه، وشوفوا قاعد فين وروحوا اقتلوه، أو اخطفوا أمه، واخطفوا أبوه”.

واستكمل قائلا: “خليك محترم عشان شكلك هايبقى مهزأ يا راجل يا مهزأ… موضوع الإخوان ماينفعش تقوله، لأن عندي تاريخ اسمه الكابتن علي عبد الخالق (والده)… ثم إيه اللي دخل الإخوان مع احترامي الكامل لهم… أنا أول واحد نزلت في مصر، وقلت لأ لمحمد مرسي (الرئيس الراحل)، وأنت مش عاجبني… إحنا ناس بتوع شقى، وبشتغل من وأنا عندي 15 سنة… أنا واحد من الناس اللي قررت تتكلم، ولسه هانحكي للناس ليه اشتغلت معاكم”.

وأضاف: “أنا عاوز أعرف (العسكريين) بيفكروا إزاي، وبيحبوا البلد إزاي، وكلامهم كله عن الكرامة والإخلاص… كلها شعارات، وفجأة لاقينا الموضوع غير كده… فعاوزين نتكلم كلام محترم، ومن راجل لراجل… ما أنت عامل راجل، وبتقف تزعق للشعب وأنت معاك المايك، وتقول (لو حد قرب من مصر، أنا هأشيله من على وش الأرض شيل)، ليه ياخويا فاكر نفسك كابتن أميركا!”.

وخاطب السيسي، قائلا: ” أنا بقالي 7 سنوات مخنوق منك، وقلت لمرسي ارحل، عشان مش مقتنع بإدارته للبلد، لكن ده المصريين اختاروه، ولو طلع فيه الخير آهو مصلحة للبلد”. وختم الفنان والمقاول المصري، بالقول: “إحنا عاوزين نعيش محترمين، وأنا نزلت قلت لمرسي ارحل، وكنت ضد الإخوان… لكن كنت ضدهم في الفكر، لا عاوز اقتلهم ولا يقتلوني… الشعب اختار مرسي، يبقى خلاص لازم نقول شكرا… ولما قلت لأ ماتحبستش وقتها، ولا طلعت خاين للبلد!”.

x

‎قد يُعجبك أيضاً

في الذكرى التاسعة للثورة.. مواقع التواصل تغرد «ثورة الغضب 25»

في الخامس والعشرين من يناير كل عام، يحيي المصريون ذكرى ثورتهم الخالدة التي أطاحت برأس ...