إخوان الدقهلية الموقع الرسمي للإخوان المسلمين بالدقهلية
ذكر عمر نجل الرئيس مرسي موقف وحوار دار بينه وبين 5 مصريين أثناء تناوله طعام الإفطار على عربة فول.
وقال نجل الرئيس في المنشور الذي نسره على حسابه الشخصي بموقع فيسبوك، “من ساعة فاتت كنت واقف بفطر من علي عربية فول مع خمس مصريين وصاحب العربية معرفش حد فيهم ، المهم لما جيت أحاسب صاحب العربية وكنت ناوي أديله حسابه بزيادة كرامة لوقفته وسنه قام هو علمني درس ما فيش فلوس تشتريه قالي مفيش حساب فهمته بيعزم قالي والله ما في حساب أصلي أبوك حاسب ليك العمر كله عندي وعند كل راجل في البلد”.
وتابع عمر مرسي قائلا: “كمل الرجل بصوت حازم (لا يقبلون الضيم ولا ينزلون علي رأي الفسدة)، فرد عليه واحد من الواقفين بيقول للراجل ده بن مرسي صح فقام رد عليه واحد تاني قاله انا حسّيت كده فيه شبه من عمر مرسي فرد الراجل الي سأل صاحب العربية إن كنت بن مرسي ولا لا، قاله والله ما اعرف حد فيهم شكلا بس مفيش حد في مصر دفع حسابه هو وعياله مقدم العمر كله غير محمد مرسي.
وأضاف عمر قائلا: “المهم عرفتهم بنفسي طلبوا صورة معايا.. وقالي صاحب العربية بالله لو زورت الريس قوله الشعب بيقولك ”وَبلَغتِ القُلوبُ الحَناجِر” رد واحد عليه وقاله زيد عليها إن الشعب بكره يثور وما هيخلي في مصر فاسد ولا حرامي ولا عسكري يحكمنا ورد عليه وواحد رابع قالي زيد علي كلامهم قوله من ساعة ما أتحبست وإسرائيل حاسة بنفسها في المنطقة رد الخامس قالي قوله جوعنا يا ريس واكلين حقنا وحق عيالنا.
وختم نجل الرئيس حواره معهم قائلا: “قولتلهم للأسف هتقوله أنت أحنا شوفناه مرة واحدة من أربع سنين و المرة التانية من شهر تقريبآ لأنهم مانعين الزيارة عن الريس فلا أهله ولا الفريق القانوني بيزوروه .. قالي معلش عشان تحسوا بينا لأننا مش عارفين نزوره ولا نسمع كلامه أحنا كمان بقالنا أربع سنين”.
