مواقع التواصل عن طريقة “السيسي” لمحاربة الغلاء: “شفتوا أغبى من كدا فين”

أثارت تصريحات قائد الانقلاب عبد الفتاح السيسي، اليوم، ومطالبته للمصريين بعدم شراء السلع التي يزيد ثمنها، موجة من السخرية عبر مواقع التواصل الاجتماعي، واعتبرها النشطاء تأكيدا علي فشل عصابة الانقلاب وتفكيرها بأسلوب “المصاطب”.

وكتب عبدالرحمن ابوزيد :”خلاص منشتريش لبن أطفال لولادنا ونسيبهم يفرفروا قدامنا ومنشتريش السكر ولا سمن ولا زيت ولا لحم ونعيش في كهوف علشان الكهربا منشتريش كرامة بالمرة علشان في أيامنا بقت أغلى من الروح.. محدش عنده وطن سلف بدل دا يا ناس”.

فيما كتب ياسر كمال :”ممكن فعلا ..يعنى بلاش بنزين فى العربيه و نحط مياه ….حتى المياه غليت يبقى نحط هوا …حتى الهوا ممكن يغلى”.

بلاش لحمة

وكتبت إيمان عزت :”ايه ده الحل كان غايب عنى بلاش لحمة و فراخ وسمك بلاش نولع النور و التكييف والدفايه بلاش نستحمى ونشرب ميه بلاش نتمشى ولا نركب مواصلات بلاش نتعالج او بلاش نمرض اصلا نموت ….الحل نموت يا جماعة هو ده هدفه من ساعة من جه”،

وقال حساب باسم السلوم :”الصوم افضل طريقه”، وكتب احمد سلامة :”انت حليت المشكلة”، وكتب أحمد الطحان :”اللهم عجل بهلاك السيسى وكل الطغاه واعوانهم ومؤيديهم يارب”.

مش هندفع فواتير

وكتب علي الغضبان:”شفتوا اغبى من كدا فين.. وانت شغلك ايه مش تحارب الغلا وتوفر السلع يا بلحة”، وكتب عمر محمد: “ايوه وبكده ترخص هو صح”، وكتب ربيع صابر تمام :”انا كده مش هشتري حاجه خالص”، وكتب بسام المسك :”طيب والحاجات اللى الحكومة يتغليها نعمل فيها ايه ؟؟؟”

وقالت رندا عبيد :”خلاص مش هندفع فواتير الميه والنور والغاز والبنزين “، فيما كتبت روما روما :”دا واحده ست على مصطبة”، وكتب ناصر حسين :”تصدق كانت تايهة عني الفكرة دي إزاي”، واضاف أسامة الشرقاوي :”يبقى مش هنشتري حاجه علشان كل حاجة غاليه”