إخوان الدقهلية الموقع الرسمي للإخوان المسلمين بالدقهلية
مأساة وظلم بين من قوات أمن الانقلاب وقع على طفل في الرابعة عشر من عمره وإخفائه قسريًا واعتقاله وتلفيق له اتهامات زائفه لا يصدقها العقل!!
البداية كانت في 12/1/2016 الساعة 01:45 AM يوم تلات إتفاجأنا بالأمن الوطني بيخبط و يسأل علي آسر بابا إستغرب و قاله ليه قالو هنسأله سؤالين بس
آسر وقتها كان عنده 14 سنة و 11 شهر مواليد 2/2/2001 كان في التيرم الأول من أولي ثانوي و كان لعيب Handball ف جسمه مكنش يوحي لسنه بس وشه كان baby face خالص المهم كان نايم علي سريره بابا قالهم طيب هدخل أصحيه عشان ميتخضش قالوله لأ إحنا اللي هندخل صحوه و سألوه علي بطاقته قالهم مش معايا قالولوا هنبدأ إستعباط من أولها بابا تدخل و قالهم الولد فعلا تحت السن و مش معاه بطاقه ده 14 سنه إتصدموا و قعدوا يعملوا موبايلات و بعدين قلبوا أوضته و قالوا لبابا إحنا هناخده ساعتين و هنرجعهولك و رفضوا حتي بابا ينزل معاه
الساعتين دخلوا في 33 يوم إختفاء قسري منعرفش هو فين ؟ بيحصل فيه إيه ؟ عايش ولا لأ ؟ طيب لو عايش الجو تلج بينام ازاي ولا لابس إيه ؟ طيب بياكل إيه ؟
ده في الأخر طفل مهما قدر يستحمل هيستحمل قد إيه ؟
كل يوم كنا بنعمل أي حاجة تحاول توصلنا ليه و بنروح محكمة الطفل يومياً عشان لو ظهر هناك..
إتفاجأنا إنه إتعرض علي نيابة أمن دولة عليا علي قضية ملفقة ( نية تفجير فندق التلات أهرامات) بدون المحاميين بتوعه و أخد 15 يوم و التهم المضحكة الموجهه ليه ” إنتماء لجماعة أسست علي خلاف القانون ” أي جماعة طيب العلم عند الله هي جماعه وخلاص و ” تهمة التجمهر ” ودي تقريبا لما جم ياخدوه لقوه بيتجمهر في الحلم و هو نايم علي السرير
خلال الفتره دي كان في الأمن الوطني إتعرض لتعذيب و كهربا لدرجة إن كتافه الإتنين إتخلعت بسبب إنه مبيجاوبهمش علي أسئلة هو ميعرفلهاش إجابة و ناس أول مره يسمع أساميهم ف علقوه يوم كامل من إيده علي أمل إنه يعترفلهم باللي هما عايزينه
بعد شهرين من التجديدات 15 في 15 القضية إتحالت للقضاء قدام المستشار ناجي شحاته ( المعروف عنه بقاضي الإعدامات) و اللي فعلا أحال 7 من القضيه للإعدام و اللي من ضمنهم ولد وقت إعتقاله كان طفل برضو !!
بدأنا جلسات شهود ( اللي بالمناسبة قالوا ميعرفوش آسر ولا واحد من القضية كلها حتي ) و جلسات مرافعات خلال ال3 سنين اللي فاتوا ..
آسر قضي فترة طفولته اللي كانت المفروض تكون وسط أهله و أصحابه في السجن ، ذاكر و خلص مرحلة الثانوي في السجن ، نضج و كبر و بقي عنده 18 سنة و 6 شهور في السجن بين 4 حيطان ، إتحرم من أهله صحابه رياضته مش عارفه الحقيقه إزاي جالهم قلب يعملوا فيه كده
النهارده اليوم ال 1239 ليه 3 سنين و 6 شهور و 16 يوم
بكره عنده جلسة نطق بالحكم بعد البهدلة و المرمطه ديه .. مش عارفين النهاية هتبقي شكلها عامل إزاي الحقيقة
هل هيبقي فيه ذرة رحمة و يخرجوه ولا هيبقوا لسه مستكفوش
