إخوان الدقهلية الموقع الرسمي للإخوان المسلمين بالدقهلية
حققت أغنية “زنزانة” التي أنتجها وعرضها تليفزيون “العربي” للفنان ياسر المناوهلي 11,265 مشاهدة، عبر “اليوتيوب”.
وجذبت الأغنية التي تتحدث عن معاناة المسجونين وظلم السجان وظلام السجن تعليقات العديد من النشطاء ورواد مواقع التواصل الاجتماعي لتميز أغاني “المناوهلي” ومنها “طلعت قفة”، و”قلة مندسة” و”رجعت ريما”، وغيرها بالطابع الثوري الرافض للظلم والنادم على المشاركة في 30 يونيو بحسب ما صرح في حواره مع الإعلامي الhنقلابي تامر أمين.
وتقول كلمات الأغنية:
يا محكومين بالخوف
والعيشة زنزانة
واللقمة نازلة الجوف
بكرامة متهانة
يهون على الدنيا مين
كان فى يوم يتهان
والخوف دا مالى عين السجان
شايف الخوف جاى
من ابعد نقطة شوف
جاى و بيلعب ع المكشوف
شايف مارد جاى من عتمة ليلنا
وفارد ماسك سيفه
وناشر زيفه
وببيتحكم فينا بكيفه
ما تحكم عقلك م الخوف مرة
وشوفه يمكن تلقى المارد عامل مارد
يمكن عايز يخفى ضعفه
وخوفه جايز انت لوحدك شارد
جايز بعد الليل في نهار
مين قال انك مجبر تختار
بين سد الجوع وبين جبين مرفوع
لو كنت خايف لاجل تعيش
لا تطول كرامة ولا تطول عيش
ولا يوم هاتسمع إلا مفيش
مفيش مفيش مفيش
ونشر كثير من النشطاء كلمات الأغنية وتداولوها، وعلق رمضان السنوسى، “#زنزانة آخر أغنية لعم ياسر المناوهلي..ميديا وفن بيخاطبوا العقل والحس مش بيكلموا نفسهم”.
وقالت ماجدة محفوظ: “#يا_محكومين_بالخوف #الحق_يرجع_بالميدان..يا تري لحد أمتي هنفضل خايفين، دم الشباب روي مصر، المعتقلين بعشرات الآلاف وكل يوم واحد خارج ميت من التعذيب او الإهمال، أرض مصر اتباعت ببلاش ومن غير ثمن، سيناء اتهجر أهلها واتهدمت بيوتها، سد النهضة مضي عليه العسكر عشان خاطر محبوباتهم الكيان الصهيوني، أسعار نار، مرتبات مفيش، معاشات مفيش، وعسكر وشلته حساباتهم في البنوك بقت مليارات وسكنهم في الخارج بقت قصور والشعب بالنسبة ليهم عبيد جبناء خايفين و محكومين بالخوف”.
– زنزانة
