إخوان الدقهلية الموقع الرسمي للإخوان المسلمين بالدقهلية
– يعنى جوانتانامو مصر
– يعنى مقبرة الأحياء
– يعنى سجن كل حاجة فيه ممنوعة
– يعني ممنوع الملابس والأغطية والأدوية والمتعلقات الشخصية
– يعني ممنوع تدخل للمعتقل ملعقة أو طبق أو كوب بلاستيك
– يعني ممنوع تدخل فوطة أو فرشة أسنان
– يعني ممنوع تدخل ساعة يد أو مسبحة أو سجادة صلاة
– يعني ممنوع الورق والقلم والجرائد
– يعني ممنوع تدخل أكل فى علبة بلاستيك أو طبق فويل وتدخله فى كيس بلاستيك كأنه أكل قطط
– العقرب يعنى الأهالى ممكن يقعدوا يجهزوا فى الأكل يومين ويتحملوا مشقة النفقات والإعداد ويرجعوا بيه
– العقرب يعنى ممنوع الحلويات والمخبوزات والعصاير
– العقرب يعني ممنوع تسلم على المعتقل أو تقعد معاه لأنك بتزوره من ورا حاجز زجاجى
– العقرب يعنى حرمان ومعاناة وبهدلة
– العقرب يعني ان أهل المعتقل ميعرفوش يتكلموا معاه فى أى حاجة تخصهم غير أنت عامل إيه ؟؟
الحمد لله
وإنتوا عاملين إيه ؟؟؟
الحمد لله
لأن الزيارة من وراء حاجز زجاجى بتليفون يتم التجسس عليه يعنى العلاقة شبه مقطوعة بين المعتقل والعالم الخارجى
– العقرب يعنى ممكن تسمع من صغيرك كلمة أنا نسيت شكل بابا ( لتباعد فترات الزيارة )
أو تسمع منه أنا مش عايز أروح الزيارة ( علشان البهدلة إللى بيشوفها أو القهرة إللى بيحس بيها لما يمنعوه من السلام على أبوه واحتضانه )
– العقرب يعنى الفرحة إللى بتحس بيها لما تلاقى إن حد خد إخلاء وخرج منه على
– العقرب يعنى ( الشهداء د فريد إسماعيل وعصام دربالة والشيخ مرجان وعماد حسن وثلاثة أخرون استشهدوا فى سجن العقرب )
– العقرب يعنى وجع وقهر للمعتقل وذويه
ورغم كل ذلك العقرب هو مقر الصامدين الصابرين الذين لم يبدلوا
علشان كدة لازم إغلاق العقرب يبقى قضية كل حر
