#واثقين_فيك_ياسيسي.. ونشطاء: طبعا إنك هتخرب البلد مفيش كلام

رد مغرّدون على هاشتاج اللجان المخابراتية بـ”تويتر” الذى أطلق صباح اليوم بعنوان #واثقين_فيك_ياسيسي، بالعديد من التعليقات الساخرة، وأخرى واقعية تدل على وعى الشارع المصرى.

قال حسن محمد: الشعب الغلبان الفقير هو دا اللي بيشيل الليله كلها حرام عليكم راعوا الناس بقي شويه الناس عايزه تاكل عشان تعيش.

حساب “أنا مصرى” غرد: #واثقين_فيك_ياسيسي طبعا مش هو اللى رفع الدعم وباع الارض والاثار وحجب المواقع وقفل المكتبات ودين البلد واعتقل المعارضين وفاشخ الشعب.

فى حين نشرت مغردة الثورة صورا لتعطل “مترو الأنفاق”: وبيقولك#واثقين_فيك_ياسيسي.. يا راجل اتلهى، انقطاع الكهرباء عن محطتي ثكنات المعادي وطره البلد يصيبه بالشلل التام.

سيد عياد قال: #واثقين_فيك_ياسيسي اللهم ان كان عبدك عبد الفتاح علي باطل فخذه وان كان علي حق فاخذه برضه مش عايزين حاجة من امه. أما حسام الدين العمدة فعلق بقول: انك في خلال فتره حكمك لن يكون بمصر فقير لانهم بداوا يموتون من المرض لعدم قدرتهم علي سعره #واثقين_فيك_ياسيسي.

محمد حسن الكنانى: ما أكثر المنافقين ف هذا المجتمع.. مجتمع قائم ع النفاق #واثقين_فيك_ياسيسي.

وزاد حساب باسم عربى فعلق ساخرا: الخوازيق اللي بيلبسهالنا الاجتماعي عامله زي علبة المناديل، كل اما تسحب واحد تلقي اللي بعده طالعلك بيقولك البس ده كمان #واثقين_فيك_ياسيسي.

وأضاف البرنس: #واثقين_فيك_ياسيسي.. اللى ضيع مصر السيسى.. اللى خربها وحبس شبابها.. اللى قتل انضف شباب فيها.. اللى دمر الفقراء.

أما محمد حسن فغرد: #واثقين_فيك_ياسيسي.. انا مش فاهم وثقين في ايه ربنا يرحمنا برحمته ومنه لله اللي كان السبب.