شاهد.. “يا مواطن درجة تانية”.. “دم رخيص” رائعة عبد الله الشريف

واصل إبداع الاحتجاج فرض نفسه على الواقع المِصري المتردي، ليرصد بسخرية كيف أحال العسكر الدولة إلى أضحوكة العالم، ويتهكم من الأوضاع المأساوية التى شهدتها مصر منذ الانقلاب فى كوميديا سوداء، وتتواصل يوميًّا مع توالي الأحداث على رؤوس الشعب المنكوب مصحوبة بـ”تاتش الانقلاب”.
الفنان الساخر والشاعر الثوري عبد الله الشريف نشر قصيدة جديدة بالعامية المصرية- على صحفته “الشاب أشرف” على موقع “يوتيوب”- تحت عنوان “دم رخيص”، والتى ترصد الواقع المأساوي للمواطن المصري تحت حكم العسكر وفاشية الانقلاب.
تقول كلمات القصيدة المبكية:
جارنا دكتور اسمه أكمل
في وش بيتنا فتح له معمل
وضبه وخلاه حكاية
تقولش بيجهز عريس
جاله شاب في يوم خميس
شكله مهموم وتعيس
قاله يا دكتور عايز أحلل
شوفلي دمي ليه رخيص!
وما جه الدكتور يعلل
خدله حقنة ويحلل
قاله دمك فيه صفايح
والصدا سارح مكمل
والكرات باين في أزمة
دم فاضي مفوش بلازما
لو نحب نعبي منه نعبي منه في كيس مخلل
أنت يا بني ملكش سعر
بيحبسوك بمقال وشعر
يعلقوك زي البهايم
لحد ما خدودك تنمل
يا مواطن درجة تانية
عسكري يقدر في ثانية
يخلي سيرتك ذكرى فانية
خلاص كده ولا نكمل
قاله طيب والعمل؟!
هوا يعني مفيش أمل
كل خيبة الناس بتمشي
وخيبتي أنا بتسوق جمل
قاله لو هتبات تلالي
أنصحك غير في دمك
شوف فصيلة تمنها غالي
دم العساكر ينفعك
درجة أولى وكعب عالي
ولو لقيتها مقفلة
عليك بدم يكون إيطالي!

https://youtu.be/-ZBJNIeIPsM