نشطاء عن وسم المخابرات #هنختار_السيسي_تاني.. على أي أساس؟!

رد نشطاء ورواد موقع التواصل الإجتماعى القصير “تويتر” على هاشتاج المخابرات الذي حمل وسم  #هنختار_السيسي_تاني، معلقين على الأمر برفضهم القاطع لاختيار قائد الانقلاب لفترة ثانية بعدما قام بتدمير مصر وإذلال وقتل شعبها.

وقال حساب ساخر باسم الشيخ مورجان فريمان‏.. #هنختار_السيسي_تاني واحد كاتب هختاره عشان نحسن الاقتصاد في الوقت اللي بندفع فيه مليار جنيه يوميا فوائد قروض بلسان لميس الحديدي.

عمر خالد رد قائلاً: خخخخخخخخخخ تاني ايه ياولاد الوس…. لا ستوووب .. ماهو كده كده حتي لو محدش راح الانتخابات هيقولك فاز بنسبة ٩٩%.

وغردت إيمان صلاح :  #هنختار_السيسي_تاني طيب على أي أساس؟ بيقولوا كلام بيفكرني بموضوعات التعبير اللي كنا بنكتبها (الإنشاء) !.

عواد باع أرضه قال: عشان يستمرالظلم والسجن والقتل و النهب والسرقة والبيع والتخريب في البلد.

وعلقت أسماء ساخرةً: الحمير عاملين هاشتاج بيقولوا فيه #هنختار_السيسي_تاني، الله يخرب بيوتكم  انتوا مش هتّوبوا غير لما تنزل عليكم صاعقة من السماء ؟ ..بينما قال محمود سعد: انا بضرب نفسى بالجزمه بضرب نفسى بالجزمه انى اخترتو اولانى بضرب نفسى بالجزمة ها.

وأجابت فاطمة على وسم المخابرات : #هنختار_السيسي_تاني..هو احنا كنا اخترناه اولاني !!..أما حساب باسم ان الليل زائل فقال ساخرًا: عشان منع إثيوبيا من بناء السد..وخلى الدولار يوصل 20 جنيه..وعمل قناة لرفع المعنويات..باع الجزرتين .. كلها إنجازات تدفعني إلى..#هنختار_السيسى_تاني.

وواصل المغردون فضح هاشتاج المخابرات فقال أحمد حسين:  #هنختار_السيسى_تانى..اومال مين يعنى هابيع باقى مصر غيره..لسه حلايب وشلاتين ولسه حدائق المنتزه.. ولسه معبد الكرنك ولسه محافظة  الفيوم.

البلياتشو قال: #هنختار_السيسي_تاني.. كفايه مصر بتخرب، وزادت ياسمين فقالت:  #هنختار_السيسي_تاني هو فيه مصرى اختاره فى الأول وهيختاره ثانى هو جه على ظهر الدبابه والمدفع انجازه المصرييين كلهم بيتمنوا الموت فى عصره!